Як зьбіраюць подпісы Ганцэвіч, Дзьмітрыеў, Чэрачань, Таболіч
11.06.2020 г.
«Подпісы людзі здаюць вельмі актыўна, мы нават не разьлічвалі, што будзе такая сытуацыя. Мы разумелі, што будзе складана набраць 100 тысяч, а цяпер практычна задачу-мінімум мы выканалі, і толькі з адной прычыны — што людзі прыходзяць і выказваюць сваю грамадзянскую пазыцыю».
Што будзе далей, ці будзе Сяргей Чэрачань зарэгістраваны кандыдатам у прэзыдэнты?
«Нічога не магу сказаць, бо бачна, што адбываецца адносна дэмакратычных сілаў Беларусі, і мы ня ведаем, як гэта адаб’ецца на нас. Сёньня ператрусы ў „Белгазпрамбанку“, у Цапкалы пад вокнамі супрацоўнікі КДК, і гэта нас вельмі напружвае. Наша каманда правяла сёньня сход, мы рук не апускаем, вырашылі ісьці далей. Занадта многа людзей даверыла свой голас і паклала свае надзеі на нашы плечы, таму мы не павінны адступаць і ў нас няма магчымасьці сказаць, што мы здаёмся, то бок мы вас кідаем. То бок ёсьць пэўная адказнасьць перад людзьмі, і мы павінны зрабіць усё, што ад нас залежыць».
«Дзеяньні сьледчых носяць палітычны характар». Што сказаў Бабарыка пасьля ператрусу ў «Белгазпрамбанку».
Што адбываецца з гэтымі выбарамі, ці будуць яны падобныя да папярэдніх?
«Сілавы мэтад на гэтую кампанію пачаўся значна раней. Нічога не магу сказаць, што будзе далей. Я бачу, што будзе складана, вельмі многа праблем і рэпрэсій адносна дэмакратычных сілаў. Нас гэта напружвае, мы на вастрыі атакі і ў самай гушчыні падзей».
Паводле Сяргея Чэрачня, адносна некаторых сяброў ініцыятыўнай групы былі «дробныя праблемы», выпісвалі пратаколы за несанкцыянаваныя масавыя мерапрыемствы, ідуць разборы. Аднак, паводле Сяргея, гэта не паўплывае на далейшую працу.
